Kókshetaýda lańkestikke qarsy oqý-jattyǵý ótip jatyr
14:08, 27 Qazan 2017
KÓKShETAÝ. QazAqparat - Kókshetaý qalasy men Krasnyı ıAr kentinde «Kókshe-antıterror-2017» oqý-jattyǵýy ótýde, dep habarlaıdy QazAqparat tilshisi.
Aqmola oblystyq terrorızmmen kúres jónindegi jedel shtabtyń málimetinshe, oqý-jattyǵýǵa atalmysh shtabqa kiretin jergilikti quqyq qorǵaý jáne memlekettik organdar qatysýda.
Shtab ókilderi ótkizilip jatqan sharalarǵa jáne týyndaýy múmkin ýaqytsha qolaısyzdyqtarǵa túsinistikpen qaraýǵa shaqyrdy.
«Sharanyń basty maqsaty- terrorızmge qarsy is-qımyldy ótkizý kezinde kúshter men qural-jabdyqtardyń daıyndyǵyn udaıy qamtamasyz etý. Terrorıstik aktiniń jolyn kesýde vedomstvoaralyq áreketti arttyryp, áskerı qabilet pen is-qımyl algorıtmin pysyqtaý», - delingen baspasóz habarlamasynda.