Kókshetaýda kýrsanttar polıtsııamen birge kóshelerdi kúzetip júr
Málik Ǵabdýllın atyndaǵy Azamattyq qorǵaý akademııasy baspasóz qyzmetiniń málimetinshe, 6-shy qańtardan bastap akademııa kýrsanttary aýysymmen kún saıyn saǵat 21:30-dan túngi úshke deıin kóshelerdi patrýldeýge shyǵady. Jalpy alǵanda, 150-ge jýyq kýrsant pen 43 ofıtser polıtsııa qyzmetkerlerimen birge qala kóshelerin patrýldeýde.
«Aldyn alý, qutqarý, kómek kórsetý. Bul Qazaqstan Respýblıkasy TJM Málik Ǵabdýllın atyndaǵy Azamattyq qorǵaý akademııasynda oqıtyn kýrsanttardyń urany. Bilim ordasyndaǵy bolashaq qutqarýshylar men ofıtserler Kókshetaý qalasynda tótenshe jaǵdaı kezinde qoǵamdyq tártipti saqtaýǵa jumyldyrylyp otyr», - dedi Akademııanyń qoǵammen baılanys jónindegi toptyń baspasóz hatshysy Aıgúl Ózekova.
Osy rette, kýrsanttar da qıyn kezde el tynyshtyǵy úshin úles qosý Otan aldyndaǵy paryzy sanaıdy.
«TJ rejımin saqtamaıtyndardy biz ýchaskelerge jiberemiz. Bizdiń maqsatymyz – qaladaǵy qaýipsizdik deńgeıin arttyrý. Kez-kelgen qaýip úshin biz alda bolýymyz kerek. Biz Otanǵa adal bolýǵa ant berdik. Sondyqtan halyqty qorǵaý-bizdiń paryzymyz», - dep bólisti tórtinshi kýrs kýrsanty Temirlan Kópebaev.
Eske sala ketsek, akademııanyń jeke quramynan basqa, túngi reıdterge jergilikti sportshylar men depýtattar, eriktiler de shyǵyp, úles qosýda.