Kókshetaýda Qopa kólinen mına tabyldy
17:57, 23 Naýryz 2023
KÓKShETAÝ. QazAqparat - Kókshetaýda Qopa kólinen oqý-jattyǵýǵa arnalǵan mına tabyldy, dep habarlaıdy QazAqparat tilshisi Aqmola oblystyq Polıtsııa departamentiniń baspasóz qyzmetine silteme jasap.
Vedomstvonyń málimetinshe, bul týraly 23 naýryzda Kókshetaý qalalyq PB-ne Qopa kólinde balyq aýlap júrgen balyqshylar habarlap aıtqan.
«Jergilikti polıtsııaǵa balyqshylar habarlasyp, Qopa kólinde TM-62 mınasy tabylǵanyn aıtty. Tekseris barysynda atalmysh mınanyń áskerı emes, oqý-jattyǵýǵa arnalǵany anyqtaldy», - dedi vedomstvodan.
Aıta ketsek, Şýche turǵynynyń úıinen ekinshi dúnıejúzilik soǵys kezindegi pýlemet-tapansha tabyldy.