Kókshetaýda qoǵamdyq keńes músheleri Prezıdent Joldaýyn talqylady
Depýtattyq korpýs, jastar, BAQ, úkimettik emes uıymdar, shyǵarmashylyq jáne ǵylymı ıntelıgentsııa ókilderi qatysqan jıyndy ashqan oblystyq qoǵamdyq keńestiń tóraǵasy Saǵyntaı Elýbaev Prezıdenttiń Joldaýda júktegen tapsyrmalaryn júzege asyrý sheńberinde oblysty odan ári damytýdyń mindetteri men basty baǵyttaryna toqtaldy.
«Memleket basshysy qazaqstandyq qoǵamnyń ómirindegi barlyq salalardy odan ári reformalaýdyń baǵdarlamasyn usyndy. Ony júzege asyrý el ekonomıkasynyń ósýine jáne azamattarymyzdyń ómir sapasynyń jaqsarýyna yqpal etedi. Memlekettik basqarý, ekonomıkalyq jáne aýmaqtyq damý, áleýmettik ál – aýqat, aýyl sharýashylyǵy jáne shaǵyn bıznes, sondaı-aq, quqyq qorǵaý organdary júıesin jańǵyrtý bárimiz úshin mańyzdy», - dedi ol.
Sonymen birge, «Aqsaı nan» JShS dırektory Səýle Sobolevskaıa memlekettiń kásipkerlikke kórsetip otyrǵan qoldaýyna toqtalsa, Aqmola oblystyq kópbeıindi aýrýhanasynyń bas dərigeri Nurlan Jarov azamattarymyzdyń densaýlyǵyn saqtaýdaǵy memlekettik saıasatty júzege asyrý týraly aıtty.
«Meni tamaq ónerkásibiniń ókili retinde, elimizde tuńǵysh ret ónerkásip saıasaty jóninde zań daıyndalatyny qyzyqtyrdy. Mundaı qujat óńdeýshi ónerkásiptiń damýyna serpin beretini sózsiz», - dep atap ótti Səýle Sobolevskaıa.
Otyrys sońynda qatysýshylar Memleket basshysynyń Joldaýynda alǵa qoıylǵan mindetterdi júzege asyrý boıynsha aldaǵy josparlardy aıqyndady.
Aıta keteıik, 2020 jyldyń 1-shi qyrkúıeginde QR Parlament palatasynyń birikken otyrysynda Memleket basshysy Qasym-Jomart Toqaev qazaqstandyqtarǵa «Jańa jaǵdaıdaǵy Qazaqstan: is-qımyl kezeńi» atty kezekti Joldaýyn jarııalaǵan bolatyn.