Kókshetaýda kásiporyn qyzmetkeri 240 akkýmýlıatordy zańsyz satyp jibergen
07:15, 16 Qyrkúıek 2022
KÓKShETAÝ. QazAqparat - Kókshetaýda kásiporyn qyzmetkeri 240 akkýmýlıatordy zańsyz satyp jibergen, dep habarlaıdy QazAqparat.
Kókshetaý qalalyq Polıtsııa basqarmasyna iri ónerkásiptik kásiporyn basshysynan ótinish túsken. Onyń aıtýynsha, kompanııanyń qoımashysy jalpy somasy 14 mıllıon teńgeden astam akkýmýlıatorlyq batareıalardy ysyrap etken.
«2021 jyldyń maýsym aıynan bastap osy jyldyń maýsym aıyna deıingi kezeńde kásiporynda 240 akkýmýlıator jetispeıtini anyqtaldy. Atalǵan faktige sáıkes tergeýshiler QR QK-niń 189-baby 4-bóligi boıynsha sotqa deıingi tergep-tekserýdi bastady. Tergeý sheńberinde qajetti tergeý is-sharalary júrgizilip jatyr. 67 jastaǵy qoımashyǵa qatysty protsessýaldyq májbúrleý sharasy – kelý mindettemesi tańdaldy», - dep jazdy polıtsııa basqarmasynan.