Kókshetaýda qarjy pıramıdasynyń jetekshisi sottaldy
Bas prokýratýranyń deregine qaraǵanda, jergilikti áıel jańartylatyn energııa kózderine ınvestıtsııa salamyz degen syltaýmen jeke tulǵalardan aqsha tartý maqsatynda «Chia Tai Tianging» qarjy pıramıdasyn qurǵan jáne basqarǵan. Osylaısha ol salymshylardyń 291 mıllıon teńgeden astam qarajatyn qarjy pıramıdasyna tartty, olar krıptovalıýtaǵa aýdarylǵan jáne «Platforma CP Group» platformasyna eseptelgen.
«Sot úkimimen kúdikti áıel kináli dep tanyldy jáne múlki tárkilenip, 5 jyl merzimge azamattardyń qarajaty men ınvestıtsııalaryn tartýǵa baılanysty qyzmetpen aınalysý quqyǵynan aıyra otyryp, tıisinshe 6 jyl bas bostandyǵynan aıyrý jazasyna kesildi», — delingen habarlamada.
Kókshetaý qalasynyń prokýratýrasy azamattardy saq bolýǵa jáne qaskúnemderdiń aılasyna túspeýge shaqyrady!
«Baiqa, piramida!» botynyń jedelhattary arqyly kompanııany qarjylyq pıramıda belgilerine tekserýge bolady.