Kókshetaýda qarý men qoldan jasalǵan jarylǵysh zattardy óndiretin jasyryn tseh joıyldy

NUR-SULTAN. QazAqparat - 2021 jylǵy 15 sáýirde Kókshetaý qalasynda QR Ulttyq qaýipsizdik komıteti Aqmola oblysy boıynsha departamenti atys qarýy men qoldan jasalǵan jarylǵysh qurylǵylardy zańsyz jasaýǵa jáne olardy ótkizýge qatysy bar qylmystyq topty joıdy.

Toptyń úsh qatysýshysy qarý men qoldan jasalǵan jarylǵysh zattardyń kezekti partııasyn satý kezinde ustaldy

Jasyryn tseh ustalǵandardyń biriniń úıinde bolǵan.

Júrgizilgen is-sharalar nátıjesinde zańsyz aınalymnan 7 tapansha, 96 qoldan jasalǵan jarylǵysh qurylǵy, 80 patron, sondaı-aq qarý-jaraqty modıfıkatsııalaý men jasaýǵa arnalǵan quraldar alyndy. Tergeý-jedel is-sharalary júrgizilýde.

Osy jyldyń mamyr aıynda Reseı Federatsııasynyń Qazan qalasynda bolǵan qaıǵyly oqıǵa qaskúnemderdiń qolyndaǵy atys qarýy aýyr zardaptarǵa ákep soǵýy múmkin ekenin kórsetti.

Osyǵan baılanysty qarýdyń zańsyz aınalymyna qarsy is-qımyl QR arnaýly jáne quqyq qorǵaý organdarynyń basym mindetteriniń biri bolyp tabylady.