Kókshetaýda qaraýsyz qalǵan 5 jasar balaǵa qatysty tergeý júrgizilýde

KÓKShETAÝ. QazAqparat - Kókshetaýda kópbalaly otbasynda aryp-júdegen 5 jasar balaǵa qatysty tergeý júrip jatyr, dep habarlaıdy QazAqparat tilshisi polıtsııaǵa silteme jasap habarlaıdy.

Kókshetaý Polıtsııa basqarmasyna qala turǵynan aryz túsken. Ol aryzynda balasyna durys qaramaı otyrǵan týysy týraly aıtyp, oǵan shara qoldanýdy ótingen.

«Bul derek tekseris barysynda rastaldy. Anyqtalǵandaı, Kókshetaý qalasynyń 37 jastaǵy er adamnyń birinshi nekeden kámelettik jasqa tolmaǵan 3 balasy jáne ekinshi nekeden 4 balasy bar. Qazirgi ýaqytta ol ekinshi áıelimen birge turyp jatyr», - dedi vedomstvodan.

Osy rette, polıtsııa ınspektory múddeli memlekettik organdardyń ókilderimen birlesip osy meken-jaıǵa baryp, balalardyń jaǵdaıyn kózben kórgen. Balanyń júdegen deregi rastaldy, ata-analar balanyń densaýlyǵyna baılanysty medıtsınalyq kómekke júginbegen. Sol kúni osy otbasyna pedıatr jiberildi jáne tekserýden keıin bala Aqmola oblystyq balalar aýrýhanasyna jatqyzyldy.

«Kókshetaý qalalyq polıtsııa basqarmasy sot-medıtsınalyq saraptama júrgizý qajettiligi týraly tıisti organdarǵa materıaldardy joldady. Qazirgi ýaqytta tekseris júrgizilýde», - dep tolyqtyrdy polıtsııa.

Foto:instagram.com/dinatansari