Kókshetaýda gashısh saýdalaǵan narkodıler 6 jylǵa sottaldy

KÓKShETAÝ. QazAqparat - Kókshetaýda asa iri kólemde gashısh saýdalaǵan narkodıler 6 jyl merzimge bas bostandyǵynan aıyryldy, dep habarlaıdy QazAqparat tilshisi.

Aqmola oblystyq polıtsııa departamenti baspasóz qyzmetiniń málimetinshe, Soltústik Qazaqstan oblysynyń 50 jastaǵy týmasynyń qylmystyq áreketi bıylǵy sáýir aıynda Kókshetaý qalasynda áshkere bolǵan.

Kókshetaý qalalyq sotynyń sheshimimen er adam Qylmystyq kodekstiń 297-baby 2-bóligi boıynsha qylmys jasaǵany úshin kináli dep tanyldy

«Qylmystyq is materıaldarynda kórsetilgenindeı Kókshetaý qalasynda turatyn 50 jastaǵy er adam paıda tabý maqsatynda esirtki zaty «gashıshtiń» 2 paketin zańsyz saqtap, keıin satqan. Ony polıtsııa óz úıiniń aýlasynda esirtki zatyn satý kezinde qolǵa túsirdi. Bultartpas dáleldemelerden keıin er adam qylmysyn tolyq moıyndady jáne ortasha qaýipsiz qylmystyq-atqarý júıesi mekemesinde jazasyn óteýmen alty jylǵa bas bostandyǵynan aıyryldy», - dedi vedomstvodan.

Aıta keteıik, munyń aldynda Aqmola oblysynyń turǵyny aýlasynda qarasora ósirip, esirtki jasaǵan edi.