Kókshetaýda esirtki satqan úsh kúdikti ustaldy
Qolyna sábıin qushaqtap, esirtki satýmen aınalysqan elordanyń 26 jastaǵy turǵyny Aqmola oblysynyń esirtkimen kúres polıtseıleriniń nazaryna tústi. Ol óziniń «jumysyna» osylaı artyq nazar aýdarmaýdy kózdegen.
Polıtseılerdiń málimetinshe, kúdikti bir aı buryn «áriptesterimen» birge Astana qalasynan Kókshetaýǵa jasyryp satý arqyly sıntetıkalyq esirtki taratý úshin kelgen. 2 qarashada oblystyq PD Esirtki qylmysyna qarsy is-qımyl basqarmasynyń qyzmetkerleri jedel-izdestirý is-sharalaryn júrgizý kezinde esirtki qoıyp ketýshini ustady.
Operatsııa barysynda áıel kólik basqaryp kele jatqan. Avtokólik salonynda eki aılyq bala boldy, al onyń qasynan qara tústi lentamen oralǵan shar tárizdi túıinshek tabyldy. Onyń ishinde qara tústi lentamen oralǵan aq tústi untaq konsıstentsııaly zattyń 30 «ziplok» paketi tabylyp, tárkilendi (salmaǵy shamamen 30 gramm bolatyn psıhotroptyq mefedron zaty).
Sol kúni polıtseıler onyń sybaılastaryn da ustady. Kókshetaýdaǵy qonaq úılerdiń birinde 35 jastaǵy er adam qolǵa tústi. Ol ustalǵan áıelmen birge turatyn jáne balanyń ákesi bolyp shyqty. Tintý barysynda odan sary tústi oqshaýlaǵysh lentamen oralǵan aq tústi untaq tárizdi konsıstentsııaly zattyń bir «ziplok» paketi anyqtalyp, tárkilendi.
Azamattyq erli-zaıyptylar turatyn jaldamaly páterde esirtki oraýmen aınalysqan olardyń «áriptesi» ustaldy. Ol Astana qalasynyń 28 jastaǵy turǵyny ekeni anyqtaldy. Páterde jedel qyzmetkerler aq tústi untaq konsıstentsııasy bar 99 «ziplok» paketin tapty (salmaǵy shamamen 50 gramm), olardyń keıbireýleri sary tústi oqshaýlaǵysh lentamen oralǵan.
Sondaı-aq elektrondy tarazylar men sıntetıkalyq esirtkini qoldanýǵa arnalǵan qurylǵylar tárkilendi. Osy faktilerge sáıkes QR QK 296-baby 4-bóligi (Asa iri mólsherde esirtki quraldaryn zańsyz saqtaý) jáne 2-bóligi (Esirtki quraldaryn shaǵyn mólsherde zańsyz saqtaý) boıynsha sotqa deıingi is júrgizý bastaldy. Saraptama taǵaıyndaldy.
Foto: polisia.kz