Kókshetaýda elektr symdarynyń qysqa tuıyqtalýyna baılanysty 70 adam evakýatsııalandy

<p>KÓKShETAÝ. KAZINFORM &mdash; Kókshetaýda elektr symdarynyń qysqa tuıyqtalýyna baılanysty 70 adam evakýatsııalandy, onyń 16 bala.</p>

Aqmola oblysy TJD baspasóz qyzmetiniń málimetinshe, oqıǵa oblys ortalyǵynyń avtoqalashyq shaǵynaýdanynda Jambyl kóshesi 134A mekenjaıy boıynsha ornalasqan kóppáterli turǵyn úıde bolǵan.

«Úıdiń kire berisindegi elektr symdarynyń qysqa tuıyqtalýy saldarynan 70 adam, onyń ishinde 16 bala baspaldaqtyń kómegimen evakýatsııalandy. Qaıtys bolǵandar men zardap shekkender joq. Qazirgi kezde elektr symdaryndaǵy aqaýdyń sebebi anyqtalyp jatyr», — dep túsindirdi vedomstvodan.

Aıta ketsek, budan buryn Kókshetaýda saýda úıindegi órtten 50-den astam adam evakýatsııalanǵanyn jazǵan edik.