Kókshetaýda Elbasy Joldaýyn iske asyrýdyń mindetteri aıqyndaldy

KÓKShETAÝ. QazAqparat - Búgin Aqmola oblysynyń ákimi Málik Myrzalınniń tóraǵalyǵymen Elbasynyń «Qazaqstandyqtardyń ál-aýqatynnyń ósýi: tabys pen turmys sapasyn arttyrý» atty Qazaqstan halqyna Joldaýyn talqylaý boıynsha aktıv otyrysy ótti. Bul týraly QazAqparat tilshisi ákimdiktiń baspasóz qyzmetine silteme jasap habarlaıdy.

Aktıvti ashqan aımaq basshysy Málik Myrzalın Elbasynyń bıylǵy Joldaýy halyqtyń ál-aýqatyn odan ári arttyrýǵa baǵyttalǵanyn atap ótti.

Jıynda eksportqa baǵyttalǵan ındýstrıalızatsııa, ınnovatsııalyq jáne servıstik sektordy damytý, agroónerkásiptik keshendegi álýetti paıdalaný máseleleri sóz boldy.

Memleket basshysynyń Joldaýynda adam kapıtaly-bilim salasy, densaýlyq saqtaý jáne buqaralyq sport nysandarynyń qoljetimdiligin damytý sııaqty áleýmettik salaǵa basymdyq berilip otyr.

Sonymen qatar, aktıv jınalysynda «Aqmola-«Tirshilik» JShS dırektory, belgili jazýshy-dramatýrg Jabal Erǵalıev, Qazaqstan Respýblıkasy Ulttyq banki Aqmola fılıalynyń dırektory Vıtalıı Cheýsov, Kókshetaý qalasyndaǵy №3 daryndy balalarǵa arnalǵan arnaıy mamandandyrylǵan mektep dırektory Dana Ysqaqova, Zerendi aýdanynyń ákimi Mereke Mustafın jáne «Nur Otan» partııasy Kókshetaý qalalyq fılıaly «Jas Otan» jastar qanatynyń jetekshisi Aıan Hafız sóz sóıledi. 

Memleket basshysynyń alǵa qoıǵan mindetteri, bul búkil salany qamtıtyn bútin júıe ǵana emes, jalpy, Qazaqstannyń ekonomıkalyq ósiminiń jańa modelin qalyptasyrýdaǵy senimdi kópir bolatyndyǵy týraly jıynǵa qatysýshylardyń oıy bir jerden shyqty.

«Prezıdenttiń Qazaqstan halqyna arnaǵan Joldaýyndaǵy mindetterdi júzege asyrý úshin aqmolalyqtar bar kúsh-jigerin qosatynyna senimdimin», -dedi atap ótti jıyndy qorytyndylǵan aımaq basshysy.

Aktıvti qorytyndylaǵan M.Myrzalın  qujattaǵy tapsyrmalardy oryndaý úshin naqtyly mindetter belgiledi.