Kókshetaýda EKSPO-2017 kórmesine oraılastyrylǵan dúbirli báıge ótti

KÓKShETAÝ. QazAqparat - Kókshetaýda «EKSPO-2017» halyqaralyq kórmesine oraılastyrylǵan dúbirli báıge ótkizildi, dep habarlaıdy «QazAqparat» HAA tilshisi.

Kókshetaýdyń irgesindegi Krasnoıar selosyndaǵy «Qulager» atshabarynda uıymdastyrylǵan báıgege barlyǵy alty qashyqtyq boıynsha 54 júırik qatystyrylyp, baǵy men babyn synaldy.

At báıgesinde Kókshetaýdyń abyroıyn aspandatqan Artem Elenberg esimdi shabandoz birinshi orynǵa ıe boldy. Al 10 shaqyrymdyq toq báıgede Astana qalasynyń shabandozy Álisher Rústemov tizgindegen júırik máre syzyǵynan birinshi bolyp ótti. Qunan báıgede astanalyq Evgenıı Chıbısov jeńimpaz atansa, jorǵa jarysta da Astana qalasynan kelgen Eslám Ýahıtov esimdi shabandozdyń «Gambıt Or» deıtin tulpary top jardy. 

Júldeli oryndardan kóringen sportshylar aqshalaı syılyqtarmen marapattaldy.