Kókshetaýda «EKSPO-2017» kórmesine arnalǵan jərmeńkege 57 qolóner sheberiniń týyndalary qoıyldy

KÓKShETAÝ. QazAqparat - Kókshetaýda Aqmola oblystyq ólketaný murajaıynyń uıymdastyrýymen Elbasynyń «Rýhanı jańǵyrý» maqalasynda aıtylǵan mindetterdi júzege asyrý jáne Astana qalasyndaǵy halyqaralyq EKSPO-2017 kórmesine arnalǵan qolóner sheberleriniń jármeńkesi ótti, dep habarlaıdy QazAqparat óńirlik kommýnıkatsııalar qyzmetine silteme jasap.

Ortalyq saıabaqta uıymdastyrylǵan jərmeńkede Kókshetaý men Şýchınski qolónershileriniń týyndylary usynyldy.
Jərmeńge atalǵan qalalardan kelgen barlyǵy 57 qolóner sheberi qatysty. Aqmola oblystyq ólketaný murajaıynyń jalpyǵa ortaq tarıhı bóliminiń aǵa ǵylymı qyzmetkeri Aıman Salmuhamedovanyń aıtýynsha, jármeńkede ár túrli janrdaǵy, ár túrli stıldegi týyndylar usynylǵan. Atap aıtqanda, tabıǵı tastardan jasalǵan áshekeı buıymdary, toqylǵan sebetter men portretter, teriden jáne aǵashtan jasalǵan buıymdar boldy.
Qatysýshylardyń qatarynda aǵashtan halqymyzdyń dástúrli jıhazdaryn, mýzykalyq aspaptaryn jasaıtyn Shoqan Elamanov ta bar.  Shoqan aǵanyń ónerin balasy Shyńǵys ta jalǵastyryp keledi. Ulttyq naqyshtaǵy dúnıelerdi daıyndaıdy.
 





 Sonymen qatar, Şýchınsk qalasynan kelgen Rəshıt Mınıhanov kórkem fotosýretpen aınalysatynyn, ári qalamyzda osyndaı jármeńkelerdi kem degende jylyna úsh ret uıymdastyryp turý kerektigin atap ótti.

 Sheberlerdiń bul jolǵy jármeńkege dep ákelgen dúnıeleri san túrli boldy.