Kókshetaýda eki topqa bólinip tóbelesken jastardyń ústinen is qozǵaldy

KÓKShETAÝ. QazAqparat - Kókshetaýda eki topqa bólinip tóbelesken jastardyń ústinen QR QK 293-babynyń 3-bóligi boıynsha is qozǵaldy, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń málimetinshe, 6 maýsymda oblys ortalyǵyndaǵy «Shafran» dámhanasynda sózge kelip qalǵan jastar kóshege shyǵyp, ekige bólinip tóbelesken .

«Osy oqıǵa negizinde Kókshetaý qalalyq polıtsııasy kinálilerge qatysty QR QK 293-babynyń 3-bóligi (buzaqylyq) boıynsha is qozǵady. Kúdiktilerdiń úsheýi ýaqytsha ustaý ızolıatoryna qamaldy, taǵy ekeýin ustaý úshin jumys júrip jatyr» deıdi vedomstvodan.

PD qyzmetkerleri atap ótkendeı, bul áreket úshin 3 jyldan 7 jylǵa deıin jaýapkershilik qarastyrylǵan.