Kókshetaýda Dına Nurpeıisovanyń 160 jyldyǵyna arnalǵan shara ótti
Kontsert Úkili Ybyraı atyndaǵy Aqmola oblystyq fılarmonııasynda uıymdastyrylǵan kontsert dırıjer «Eren eńbegi úshin» medali men «Qurmet» ordeniniń ıegeri Turlyhoja Bazarovtyń jetekshilik etýimen K.Kúmisbekov atyndaǵy qazaq halyq aspaptar orkestriniń oryndaýynda Dınanyń «Toıbastar» kúıimen ashyldy.
«Kontsertte orkestrdiń dombyrashylary Dınanyń teńdesiz kúılerin oryndady. Atap aıtsaq, Samal Áýbákirova «Kerbez», Juldyz Muqysheva «Domalatpaı», Arman Máken «Qara qasqa at», Almas Omarov «Jeńis», Janna Molǵajdarova «8 mart», Aıgerim Shalqarova «Qazaqstanǵa 30 jyl», Saıat Babaev «Kúı ana», orkestrdiń kontsertmeısteri Ábilserik Kámáshev «Bulbul» kúıleri tyńdarmannyń kóńilinen shyqty. Sonymen qatar orkestrdiń oryndaýynda Dına Nurpeıisovanyń «Óttiń dáýren», «Qaıran sheshem», dırıjer Janat Rashıttyń jetekshilik etýimen «16 jyl», «Ásem qońyr», «Partııa týraly kúı», «Naýysqy» týyndylary da somdaldy», - dedi Aqmola oblystyq mádenıet, arhıvter jáne qujattamalar basqarmasynan.
Kontsertti fılosofııa doktory (RhD), Qazaqstan Jazýshylar Odaǵynyń múshesi, aqyn-jazýshy, «Altyn tuǵyr-2019» ádebı syılyǵynyń gran prı ıegeri Erbolat Baıatuly men Samat Ýathan júrgizdi.
Aıta keteıik, qazaq kúıleriniń órisin uzartyp, óresin bıiktetken, Qazaqstannyń mýzyka mádenıetinde aty ańyzǵa aınalǵan áıgili kúıshilerdiń biri – Dına Nurpeıisova. Qurmanǵazynyń batasyn alǵan, «Dombyranyń Jambyly» atanǵan, kúıshiniń dombyra tehnıkasyn teńdessiz meńgerip, qos qolmen birdeı dombyra shertýdegi sheberligin kórgender tań qalyp, tańdaı qaqqan. Al Dına Nurpeıisovanyń shyǵarǵan kúıleri qazaq dombyra mýzykasynyń klassıkasyna aınaldy.