Kókshetaýda birden úsh mektepke «bomba qoıǵandar» izdestirilýde

<p>Kókshetaýda birden úsh mektepke jarylǵysh zat qoıylǵany týraly habarlandy. Úsh jaǵdaıda da aqparat rastalmady, dep habarlaıdy <a href="Kazinform" target="_blank" rel="noopener">Kazinform </a>tilshisi Aqmola oblystyq Polıtsııa departamentiniń baspasóz qyzmetine silteme jasap.</p>

Vedomstvonyń málimetinshe, bul joly jarylǵysh zat qoıylǵany týraly qazannyń 18-de habarlanǵan. Onda №2, №5 jáne №6 mektep-lıtseılerine «bomba qoıylǵany» aıtylǵan.

- Aıtylǵan bilim berý mekemelerin jarylys tehnık mamandary men kınologtar tekserip shyǵyp, jarylǵysh zatty tappady. Qazirgi ýaqytta tıisti jedel-izdestirý jáne tergeý is-sharalary júrgizilýde, sonyń qorytyndysy boıynsha protsessaýldyq sheshim qabyldanady, - dep túsindirdi vedomstvodan.

Osy rette, tártip saqshylary óńir turǵyndary men qonaqtaryna telefon terrorızmi úshin qylmystyq jaýapkershilik qarastyrylǵanyn eske salady.

Aıta ketsek, budan buryn Kókshetaýda mektep-lıtseıine jarylǵysh zat qoıylǵandyǵy týraly habardan 1279 oqýshy men 79 muǵalim evakýatsııalanǵanyn jazǵan edik.