Kókshetaýda beıbit jıyndar týraly zań jobasy talqyǵa tústi

KÓKShETAÝ. QazAqparat – Kókshetaýda QR Aqparat jáne qoǵamdyq damý mınıstrliginiń jaýapty hatshysy Janat Qojahmetovtiń qatysýymen beıbit jıyndar týraly zań jobasyn qoǵamdyq talqyǵa salǵan dıalogtyq alań uıymdastyryldy, dep habarlaıdy QazAqparat tilshisi.

Sharada QR Aqparat jáne qoǵamdyq damý mınıstrliginiń jaýapty hatshysy Janat Qojahmetov «Qazaqstan Respýblıkasynda beıbit jıyndardy uıymdastyrý jáne ótkizý tártibi» týraly zań jobasynyń tujyrymdamasyn tanystyrdy.

Sharaǵa jergilikti qoǵamdyq birlestik tóraǵalary, úkimettik emes uıymdar men partııa fılıaldarynyń belsendileri, kásipodaqtar jáne buqaralyq aqparat quraldary ókilderi qatysty. Qoǵam ókilderi jańa zań jobasyna qatysty ózderiniń oı-pikirin bildirdi .

Sonymen qatar, «Qazaqstan Respýblıkasynda beıbit jıyndar, sherý, pıketter, demonstratsııalyq jınalystardy ótkizý men uıymdastyrý tártibi týraly» zań jobasyna sáıkes mıtıngige shyǵatyn azamattardyń quqyǵy ​men mindeti jáne jaýapkershiligi túsindirildi.