Kókshetaýda bes kúnge sozylǵan halyqaralyq teatr festıvali máresine jetti

KÓKShETAÝ. QazAqparat – El Táýelsizdiginiń 30 jyldyǵy jáne «Rýhanı jańǵyrý» baǵdarlamasyn júzege asyrý aıasynda 4-8 qazan aralyǵynda ótken úshinshi halyqaralyq «TeART-Kókshe» festıvalinde Qazaqstan, Reseı jáne Qyrǵyzstannan kelgen 11 shyǵarmashylyq ujym túrli janrdaǵy qyzyqty qoıylymdaryn kórsetti.

Festıvaldi Aqmola oblysy ákimdiginiń qoldaýymen oblystyq orys drama teatry GITIS Reseı teatr óneri ınstıtýtymen birlesip uıymdastyrdy.

Mádenıet, arhıvter jáne qujattama basqarmasynan atap ótkendeı, teatr spektaklderi oblys ortalyǵynyń birneshe alańynda ótti.

álemge áıgili teatrtanýshylar men synshylar baǵalady.

«Biz alǵash ret qazylar alqasyna óte tanymal teatr mamandaryn shaqyrdyq. Olardyń qatarynda ár túrli elderdiń synshylary bar. Óıtkeni olar rejıssýra men akterlik jumysty bólek baǵalamaıdy. Jalpy, teatrlar shynaıy baǵasyn alǵanyna senimdimiz», - dep atap ótti Aqmola oblystyq orys drama teatrynyń basshysy B. Baqtygereev.

Festıvaldiń jabylýyna qatysqan Aqmola oblysy ákiminiń orynbasary Aına Mysyrálimova teatr ujymdarynan qatysqany úshin alǵys bildirdi.

Ákim orynbasarynyń aıtýynsha, festıvaldiń bes kúninde usynylǵan qoıylymdarǵa 1000-nan astam kórermen qatysqan.

Festıval qorytyndysy saı úzdikter bes atalym boıynsha marapattaldy.