Kókshetaýda belsendi úkimettik emes uıymdar marapattaldy
Aqmola oblysy ákiminiń orynbasary Aına Mysyrálimovanyń qatysýymen ótken forým jumysyna QR Qoǵamdyq damý mınıstrliginiń azamattyq bastamalardy qoldaý basqarmasynyń basshysy Marat Qasqyrbaev, Qazaqstannyń azamattyq alıansynyń vıtse-prezıdenti Dos Kóshim, azamattyq qoǵam ınstıtýttary, úkimettik emes jáne jastar uıymdary, kásipodaq jáne qoǵamdyq keńester, buqaralyq aqparat quraldary men memlekettik organdardyń ókilderi qatysty.
Forýmda Aqmola oblysy ákiminiń orynbasary Aına Mysyrálimova quttyqtaý sóz sóılep, keıingi kezde ómirge kelgen osy qoǵamdyq ınstıtýttar men úkimettik emes uıymdardyń Elbasy Joldaýynda aıtylǵan mindetterdi júzege asyrý boıynsha atqaryp kele jatqan jumysyna oń baǵa berdi jáne onyń alda da izdenisti qadamdarǵa baratynyna senim bildirdi.
«Úkimettik emes uıymdar atqarýshy bılikpen ózara birlese jumys isteýi qajet. Óıtkeni olardyń aldynda turǵan mindetter bir birimen tyǵyz baılanysqan. Sol kezde ǵana halyqtyń ál aýaqtyn kóteretin bolamyz. Qazirgi ýaqytta Aqmola oblysynda 643 úkimettik emes uıym tirkelgen. Bul negizinen etnomədenı jəne ekologııalyq birlestikter, jastar uıymdar», dedi Aına Mysyrálimova.
Al, QR Qoǵamdyq damý mınıstrliginiń azamattyq bastamalardy qoldaý basqarmasynyń basshysy Marat Qasqyrbaev pen Qazaqstannyń azamattyq alıansynyń vıtse-prezıdenti Dos Kóshim azamattyq qoǵamdy tıimdi damytýda úkimettik emes uıymdardyń ornyna toqtaldy.
«Elimizde azamattyq qoǵamnyń jumysy áli qanaǵattanarlyq dep aıtýǵa bolmaıdy. Degenmen, sońǵy jyldary memleket tarapynan zor kóńil bólinip keledi. Sondyqtan, bizderge úlken jaýapkershilik júktelip otyr», dep atap ótti Dos Kóshim.
Sonymen qatar, Aqmola oblysy ishki saıasat basqarmasynyń basshysy Gúljanar Shókeeva baıandama jasap, Elbasynyń Qazaqstan halqyna arnaǵan Joldaýlarynda aıtylǵandaı, əleýmettik bastamalardy iske asyrý baǵytynda 800 is-shara ótkizilip, oǵan 80 myńnan astam adam qatysqanyn jetkizdi.
Basqarma basshysynyń aıtýynsha, óńirde jyldan jylǵa memlekettik tapsyrys sheńberinde úkimetti emes uıymdardy qarjylandyrý kólemi artyp keledi.
Forýmnyń plenarlyq májilisinde sondaı-aq, Kókshetaý qalalyq máslıhatynyń hatshysy Erkin Isimbaev, Stepnogordegi «Jenskıı lých» qoǵamdyq birlestiginiń tóraıymy Oksana Volkova-Mıhalskaıa, Kókshetaýdaǵy «Prometeı» qoǵamdyq qorynyń basshysy Oljas Syzdyqov, «El birligi» qoǵamdyq birlestiginiń tóraǵasy Baqyt Smaǵul qoǵamdyq uıymdardyń turǵyndarmen jumys tájirıbesi týraly sóz sóılep, óz oı-pikirleri men usynystaryn ortaǵa saldy.
Forýmda ashyq mıkrofon jumys istep, qatysýshylar erkin pikir almasty. Sonymen birge, birqatar úkimetti emes uıymdar men olardyń belsendi múshelerin marapattaý rásimi bolyp ótti.
Budan keıin forýmnyń jumys qorytyndysy shyǵarylyp, Qazaqstannyń VIII Azamattyq forýmyna Aqmola oblysynan baratyn delegattardyń tizimi anyqtaldy.