Kókshetaýda aýyl sharýashylyǵy tehnıkalaryna arnalǵan servıstik ortalyq ashylady
«Kókshetaý qalasynda 2020 jyly aýyl sharýashylyǵy tehnıkalaryna qyzmet satý jáne qyzmet kórsetý servıstik ortalyǵynyń qurylysy aıaqtalady. Atalmysh joba Indýstrııalandyrý kartasyna engizilip otyr. Jobanyń quny 2,6 mıllıard teńgeni quraıdy. Nysan iske qosylǵan kezde jańa 136 jumys orny ashylatyn bolady», - dedi Kókshetaý qalasynyń ákimi Ermek Marjyqpaev «2018 jyldyń áleýmettik-ekonomıkalyq damýynyń qorytyndylary jáne 2019 jyldyń negizgi mindetteri týraly» halyq aldynda esep berý kezdesýinde.
Sonymen qatar, qala ákimi atap ótkendeı Kókshetaý qalasynda Indýstrııalandyrý kartasy sheńberinde quny 2 mıllıard 203 mıllıon teńge «Vektor kombaın zaýyty» JShS jobasy júzege asyrylýda. Munda 96 jumys orny ashylatyn bolatyn. Joba eki kezeńge josparlanǵan. Birinshi kezeńi ótken jyly aıaqtaldy. Al ekinshi kezeńin aıaqtaý keler jylǵa josparlanyp otyr.
Budan bólek jumys istep turǵan «ENKI», «Novopek», «Natýr prodýkt» seriktestikteri tárizdi kásiporyndardy jańǵyrtý kózdelgen. «Gormolzavod» zaýytynda shıkizat óndirisi boıynsha jańa jeli iske qosyldy. 2019 jyly qurǵaq sút óndiretin tseh ashý josparda bar.