Kókshetaýda Arızona shtaty ýnıversıtetimen bilim berý múmkindikteri talqylandy
Kezdesýge múddeli basqarmalardyń basshylary, Sh. Ýálıhanov atyndaǵy Kókshetaý ýnıversıtetiniń ókilderi qatysty.
Іs-sharanyń negizgi maqsaty Qazaqstanda aýyl sharýashylyǵy daqyldarynyń ónimdiligin jáne azyq-túlik óndirisin arttyrýǵa baǵyttalǵan zertteýler úshin basym qajettilikterdi zerdeleý bolyp tabylady.
Qonaqtardy qarsy ala otyryp, óńir basshysy Arızona ýnıversıteti delegatsııasynyń sapary agrarlyq zertteýler men ázirlemeler salasyndaǵy ózara tıimdi yntymaqtastyq úshin jańa múmkindikter ashatynyn atap ótti.
«Aqmola oblysy ındýstrıaldy-agrarlyq óńir bola otyryp, aýyl sharýashylyǵyn damytýǵa ǵana emes, osy salada ozyq tehnologııalardy engizýge de basa nazar aýdarylady. Aýyl sharýashylyǵy salasynda básekege qabiletti bolý úshin biz alǵa sapaly serpilis jasaýymyz kerek, biraq ǵylymı negizdelgen zertteýlersiz jáne jańa tehnologııalardy engizbeı nátıjelerge qol jetkizý qıyn bolady», - dedi M.Ahmetjanov.
Aıta ketý kerek, bul is-shara aǵymdaǵy jyldyń sáýir aıynda ótken kezdesýdiń jalǵasy bolyp tabylady, onda taraptar aýyl sharýashylyǵy men ǵylym salasynyń negizgi ózara is-qımyldaryn talqylady. Qatysýshylar Aqmola oblysy Qazaqstanyń aýyl sharýashylyǵyndaǵy zertteýleri men nátıjelerin jaqsartý úshin AQSh-tyń joǵary sapaly ýnıversıtetterinde aýyl sharýashylyǵy salasyndaǵy tabysty zertteýshilermen qarym-qatynasty damytýǵa múddeli ekenin atap ótti.
Sol kúni Arızona memlekettik ýnıversıtetiniń ókilderi Sh. Ýálıhanova atyndaǵy Kókshetaý ýnıversıtetiniń ǵylymı jetekshilerimen kezdesti, ýnıversıtet jáne Aqmola oblysynyń aǵymdaǵy aýyl sharýashylyǵy zertteýlerimen, oblystyń «Gormolzavod» JShS, «Eurasia Group» JShS, Bulandy aýdanynyń «Bota-2015» JShS, «A.I. Baraev atyndaǵy AShǴÓO» kásiporyndarymen tanysty.