Kókshetaýda ardagerler arasynda shahmat týrnıri ótti

KÓKShETAÝ. QazAqparat - Kókshetaýda ardagerler arasynda shahmattan jáne doıbydan oblystyq týrnır ótti, dep habarlaıdy QazAqparat tilshisi.

Aqmola oblystyq dene shynyqtyrý jáne sport basqarmasynyń málimetinshe, Jeńis kúnine arnalǵan jarysqa oblystyń barlyq aýdandary men qalalarynan jınalǵan 50-ge jýyq ardager qatysty.

«Basqarma tarapynan jyl saıyn Jeńis kúni qarsańynda ardagerler arasynda sporttyq jarystar uıymdastyrylyp turady. Sonyń ishinde shahmat jáne doıby oıyndary erekshe tanymal. Sheberlik pen shydamdylyqty qajet etetin ıntellektýaldyq oıynda ár qatysýshy aıanyp qalmady. Jarys tartysty ótti», - dedi vedomstvodan.

Jarys jeńimpazdary men júldegerleri eń kóp upaı sany boıynsha anyqtaldy.

«Shahmat pen doıby tek áýestik ǵana emes, bul adamdy tolǵandyratyn, aqyl-oıyn jattyqtyratyn jáne jaqsy kóńil-kúı syılaıtyn oıyn. Bizge osyndaı merekelik jaqsy kóńil kúı syılaǵandarǵa shynaıy alǵysymyzdy bildiremin», - dedi Arshaly aýdanynan kelgen Baqytberim Látipov.

Aqmola oblysynda jumysshy bastyǵyn baltamen shaýyp óltirdi.