Kókshetaýda «Altyn belgi» ıegerlerine 100 myń teńgeniń aqshalaı syılyǵy tapsyryldy
Búgin aımaq basshysy Málik Myrzalın Kókshetaý qalasyndaǵy Abylaı han alańynda mektep bitirýshilerdiń saltanatty keshine qatysyp, úlken ómirge joldama alǵan túlekterge sát sapar tiledi.
Shara barysynda ótken oqý jyly ishinde bilim, ǵylym, sport, pán olımpıadalary tárizdi halyqaralyq, respýblıkalyq baıqaýlarda top jarǵan mektep oqýshylarynyń attary atalyp, qurmet kórsetildi. Aımaq basshysy mektep bitirýshiler men olardyń ata-analaryn shyn júrekten quttyqtaı kele, «Altyn belgige» jáne úzdik attestatqa ıe bolǵan túlekterge attestattaryn tabystaý rásimin ótkizdi. «Altyn belgi» tósbelgisine ıe bolǵan túlekter 100 myń teńge aqshalaı syılyqqa ıe boldy.
Eske sala keteıik, bıylǵy jyly Aqmola oblysyndaǵy bilim oshaqtaryn 4986 mektep bitirýshi támamdap, olardyń 3649-y ulttyq biryńǵaı testileý tapsyrýǵa ótinish bildirip otyr.