Kókshetaýda alǵashqy jyly aıaldama paıda boldy

KÓKShETAÝ. QazAqparat - Kókshetaýda jyly aıaldamanyń alǵashqysy ornatyldy, dep habarlaıdy QazAqparat tilshisi qala ákiminiń keńesshisi Myrzabek Myrzahmetovke silteme jasap.

Qala ákimi keńesshisiniń aıtýynsha, «Býrabaı»sport saraıynyń mańyna ornatylǵan aıaldama bólme jáne konvektordan turady. Jobany «Esil» áleýmettik-kásipkerlik korporatsııasy» óz qarajaty esebinen júzege asyryp otyr.

Bul - alǵashqy synama nusqa. Ol ózin jaqsy jaǵynan kórsetip jatsa, onda Kókshetaý osyndaı pavılondarmen jabdyqtalatyn bolady.

Bul qýanyshty jańalyqpen Kókshetaý qalasynyń ákimi Ermek Marjyqpaev ta óziniń Instagram paraqshasynda bólisti. Óz kezeginde jeli qoldanýshylary da bul bastamaǵa qoldaý bildirip, buzaqylar búldirmes úshin beınebaqylaý kamerasyn ornatý týraly usynys aıtty.