Kókshetaýda alǵashqy ІT mektep-lıtseı esigin aıqara ashty
Saryarqa shaǵynaýdanynda ashylǵan bilim ordasy joba boıynsha 900 oqýshyǵa shaqtalǵan. Qurylys jumystaryna bıýdjetten 1,5 mıllıard teńge qarjy bólingen. Bul - óńirde ashylyp otyrǵan tuńǵysh ІT mektep-lıtseı.
Jańa bilim ordasynyń ashylý saltanatyna aımaq basshysy Məlik Myrzalın qatysyp, oqýshylar men ustazdardy osynaý qýanyshtarymen quttyqtady.
«Mektep kabınetteri zamanaýı tehnologııamen jabdyqtalyp, barlyǵyna derlik ınteraktıvti taqta ornatylǵan. Bul alǵashqy ІT mektep-lıtseı bolǵandyqtan, osynda bilim alǵysy keletin oqýshylardyń da sany artatyny sózsiz. Búgin bilim kúni atalmysh bilim ordasyna 870 oqýshy qabyldandy», -deıdi qalalyq bilim bólimindegiler.
Aıta keteıik, Aqmola oblysy boıynsha búgin 565 mektep 120 myńnan astam oqýshyny qabyldaıdy. 14 myńnan astam búldirshin 1 synypqa barady. Qazirgi ýaqytta óńirde 603 mektepke deıingi mekeme bar bolsa, onda 37 myń bala tərbıe alyp jatyr. Bıyl 140 bala baqshaǵa jóndeý jumystary júrgizildi.
Jalpy, jas urpaqqa sapaly bilim men sanaly tərbıe berýde muǵalimderdiń bilimdi de bilikti bolýymen birge, mekteptiń materıaldyq-tehnıkalyq jaraqtandyrylýy men ozyq oqý quraldarymen jetkilikti qamtamasyz etilýine zor mańyz berilip otyr.
Bıyl oblysta tórt jańa mektep paıdalanýǵa beriledi. Olar - Tselınograd aýdanyndaǵy Qarajar aýylynda, Birjan sal aýdanyndaǵy Nevskıı jəne Sandyqtaý aýdanynyń Balkashın selolaryndaǵy mektepter men Kókshetaý qalasyndaǵy qazaq ІT mektep-lıtseıi.
2018-2019 oqý jylynda bilim berýdiń jańartylǵan mazmunyna 3,6 jəne 8 synyptar kóshedi, tolyq kóshý 2021 jyly aıaqtalady.