Kókshetaýda alaıaqtyqpen aınalysqan qurylys kompanııasynyń basshysy sottaldy
Atalmysh JShS basshysynan aldanǵan úleskerler Aqmola oblysynyń ІІD qyzmetkerlerine alǵys bildirýde. Olardyń arasynda úlesti turǵyn úı qurylysynyń qatysýshylary ıÝlıı Prorochýk, Áıgerim Qusmetova, Kúlpash Kirgojına jáne Lıýdmıla Drozd sekildi turǵyndar bar.
«Turǵyndar halyqtyń aqshasyn zańsyz jolmen jymqyryp ketken «Kan Sam» JShS dırektory Samat Isınniń alaıaqtyǵyn áshkereleýge tikeleı atsalysqan aǵa tergeýshi Aıbek Qalıqulovtyń joǵary kásibı sheberligin erekshe atap ótip, shynaıy rızashylyǵyn bildirdi. Kóptegen turǵyndar baspanaly bolý maqsatynda Isınniń arbaýyna túsip, aqshalarynan aıyrylyp qalǵan», - dep atap ótti Aqmola oblysynyń ІІD baspasóz qyzmetinen.
Kókshetaý qalalyq sotynyń úkiminde kórsetilgendeı, 2014 jyly «Kan Sam» JShS dırektory men jer telimi bar jeke kásipker arasynda kelisimshart jasalǵan. Osyǵan sáıkes JShS kópqabatty turǵyn úı salyp, ol úıdiń birinshi qabatynyń belgili bir aýmaǵyn jeke kásipkerge berýi tıis bolatyn. Qoldarynda ruqsat qujaty joq «Kan Sam» JShS dırektory jalpy quny 144 968 939 teńgeni quraıtyn páterlerdi 21 aqmolalyqqa satqan. Keıin ol biraz úleskermen kelisimshartty buzyp, ol úılerdi ekinshi ret taǵy satady.
«Osylaısha, S.K.Isın ruqsat qujattary joq zańsyz qurylysty bastaı otyryp, óziniń senimine kirgen adamdardy páterge qaryq qylamyn dep alaıaqtyq jolmen aqshalaryn ıemdenip otyrǵan. Tipti, páter satyp alýshy úleskerlerdiń sany salynyp jatqan turǵyn úıdegi páter sanynan asyp tústi», - dep kórsetilgen sot úkiminde.
Sot úkimimen JShS dırektory QR QK 190-babynyń 4-bóligi («Alaıaqtyq») jáne 214-babynyń 2-bóligi («Zańsyz kásipkerlikpen aınalysý») boıynsha kináli dep tanylyp, 6 jyl 8 aı merzimge sottaldy. Oǵan qosa, qurylys salasynda 7 jyl qyzmet isteý quqyǵynan aıyryldy.
Sot úkimi kúshine engen joq.