Kókshetaýda adam bopsalaýmen aınalysqan kúdikti ustaldy

<p>Kókshetaýda adam bopsalaýmen aınalysqan, buryn sotty bolǵan 39 jastaǵy kúdikti ustaldy, dep habarlaıdy Kazinform tilshisi Police.kz silteme jasap.</p>

Kúdikti tanysynan 400 myń teńge aqsha talap etetini jáne ol bas tartqan jaǵdaıda fızıkalyq zorlyq-zombylyq jasaımyn dep qaýip tóndiretindigi belgili boldy.

Kúdiktiniń buryn birneshe ret sottalǵany, birneshe jyl buryn bas bostandyǵynan aıyrý oryndarynan bosatylǵany jáne resmı túrde esh jerde jumys istemeıtini anyqtaldy.

Jeke tintý kezinde quqyq qorǵaý organdary ustalǵan adamnan aqsha, sýyq qarý, sondaı-aq sıntetıkalyq esirtkige uqsas zat tárkiledi. Tyıym salynǵan zattyń quramy men salmaǵyn saraptama anyqtaıtyn bolady.

- Qylmystyq kodekstiń 194-baby 2-bóligi boıynsha sotqa deıingi tergeý amaldary bastaldy. Kúdikti ustalyp, ýaqtysha ustaý oqshaýlaǵyshyna qamaldy, - delingen vedomstvonyń málimetinde.

Aıta ketsek, budan buryn Şýchedegi stýdent ólimine baılanysty sýıtsıdke ıtermeleý jáne aqsha bopsalaý boıynsha eki is qozǵalǵanyn jazǵan edik.