Kókshetaýda 9 qabatty úıdiń shatyrynan qulaǵan bozbala kóz jumdy

KÓKShETAÝ. QazAqparat – Kókshetaý polıtsııasy kámeletke tolmaǵan balanyń kópqabatty úıdiń shatyrynan qulap, qaza bolýyna baılanysty sotqa deıingi tergeýdi bastady, dep habarlaıdy QazAqparat tilshisi.

«Qaıǵyly oqıǵa búgin 5 sáýirde Kókshetaý qalasynda boldy. Belgili bolǵandaı, 2005 jyly týǵan kámelet jasqa tolmaǵan bozbala toǵyz qabatty úıdiń tóbesinen sekirip ketken. Ol alǵan jaraqattardan kóz jumdy. Osy derek boıynsha polıtsııa Qylmystyq kodekstiń 105-baby 3-bóligi «sýıtsıdke deıin jetkizý» boıynsha sotqa deıingi tergep-tekserýdi bastady. Ózge aqparat jarııa etilmeıdi», - dep túsindirdi Aqmola oblystyq Polıtsııa departamentiniń baspasóz qyzmetinen.