Kókshetaýda 25 avtokólik Memlekettik rámizderdi qala kóshelerimen alyp ótti

KÓKShETAÝ. QazAqparat - Kókshetaýda 25 avtokóliktiń qatysýymen avtosherý ótti, dep habarlaıdy "QazAqparat" HAA tilshisi.

Memlekettik rámizder kúnine arnalǵan sharaǵa Aqmola oblysy ákiminiń orynbasary Nurlan Nurkenov qatysyp, quttyqtaý sóz sóıledi. 

"Búgin bizdiń elimiz mańyzdy merekeni atap ótýde.  1992 jyldyń 4 maýsymy el tarıhyna táýels­iz Qazaqstannyń meml­ekettik rámizderi qa­byldanǵan eleýli kún bolyp endi. Olardy qurmetteý - elimizdiń árbir azamatynyń qasterli paryzy jáne mindeti. Ortasynda altyn tús­tes kún men qyran qus bederlengen kók tý­ymyz, shańyraq beınes­indegi eltańba, osyl­ardyń bári turǵyndar úshin ortaq mekenniń sımvolyna aınalyp, árkez beıbitshilikte, bereke-birlikte ómir súrýge shaqyrady", dedi N.Nurkenov óz sózinde.

Merekelik shara barysynda oblys əkiminiń orynbasary Nurlan Nurkenov Kókshetaý qalasynyń avtokólik əýesqoılary qaýymdastyǵynyń ókili Qanat Úmbetovke kók týymyzdy saltanatty túrde tapsyrdy.  24 avtokólikten quralǵan kolonna Memlekettik rəmizdi alyp qalanyń basty kóshelerimen júrip ótti. 

Odan ári memlekettikti nyǵaıtýǵa jáne qaza­qstandyq patrıotızmdi qalyptastyrýǵa ele­ýli úles qosqan 11 aqmolalyq oblys əkimi­niń Alǵys hatymen ma­rapattaldy. Sondaı-aq, qalalyq mektepterdiń bilim, sport jəne mədenı salada joǵary jetistikterge qol jetkizgen 6 oqýshysy "Jas Ulan" qataryna qabyldandy. 

Merekelik shara jerg­ilikti shyǵarmashylyq ujymdardyń oryndaýyn­daǵy kontserttik baǵd­arlamaǵa ulasty.