Kókshetaýda 20 mln teńgeniń kontrabandalyq temeki ónimderi tárkilendi

NUR-SULTAN.QazAqparat – 20 mıllıon teńgege kontrabandalyq temeki ónimderin joly kesildi. Zańsyz ónim Kókshetaý qalasynyń dúkenderinde saýdalanbaq boldy, dep habarlaıdy QazAqparat Qarjylyq monıtorıng agenttigine silteme jasap.

Agenttiktiń Aqmola oblysy boıynsha aýmaqtyq departamentimen zańsyz kásipkerlik faktisi boıynsha sotqa deıingi tergeý bastaldy.

«Gazel» markaly avtokólikti tekserý barysynda aktsızdik tańbalary joq 34 500 dana temeki ónimderi tabylyp, tárkilendi. Temeki ónimderi kólikke Nur-Sultan qalasyndaǵy «Ámir» ámbebap bazarynyń aýmaǵynda tıelip, Kókshetaý qalasyna jóneltilgen. Jedel izdestirý kezinde sol markadaǵy temekiler tabyldy. Memlekettik kirister organdarynyń aqparaty boıynsha 34 500 dana temekiniń quny 20 355 000 teńgeni quraıdy», - delingen habarlamada.