Kókshetaýda 19 jastaǵy jigit kóliktiń astyna túsip ólmek boldy

KÓKShETAÝ. QazAqparat – Kókshetaýda 19 jastaǵy jigit júrip kele jatqan kóliktiń aldyna júgirip shyǵyp, sýıtsıd jasamaqshy boldy, dep habarlaıdy QazAqparat tilshisi.

Aqmola oblystyq polıtsııa departamenti baspasóz qyzmetiniń málimetinshe, oqıǵa qyrkúıektiń 20-da saǵat 06:00 shamasynda bolǵan.

Bul týraly Kókshetaý qalalyq polıtsııa basqarmasyna jedel járdem stantsııasynyń qyzmetkerleri habarlap aıtqan.

Dárigerlerdiń sózinshe, er adam «jabyq bassúıek mıy jaraqaty, mı shaıqalý, bas terisiniń jaraqaty, sýıtsıdtik áreket» dıagnozymen aýrýhanaǵa jetkizilgen.

«Anyqtalǵandaı, Kókshetaý qalasynyń 19 jastaǵy turǵyny baǵdarshamnyń ruqsat etilgen belgisine júrip kele jatqan «Kıa Tserato» avtokóliginiń aldyna júgirip shyqqan. Polıtsııa qyzmetkerleri bolǵan oqıǵanyń mán-jaıyn anyqtaýda. Qylmystyq kodekstiń 105 babynyń 1 bóligi «ózin-ózi óltirýge deıin jetkizý» boıynsha sotqa deıingi tergeý amaldaryn qolǵa alyndy», - dedi vedomstvodan.

Aıta ketsek, «Astana-Petropavl» trassasynda jol apatynan 29 jastaǵy júrgizýshi kóz jumdy.