Kókshetaýda 16 saıajaı órtenip ketti
Vedomstvonyń málimetinshe, mamyrdyń 8-inde saǵat 12:44-de «101» pýltine «Tselınnık» jáne «Avıator» saıajaı kooperatıvteriniń ýchaskelerinde qurǵaq shóptiń janyp jatqandyǵy týraly aqparat tústi. Anyqtalǵandaı, órt aýmaǵy 5 gektardy qurady. Tilsiz jaýdy aýyzdyqtaýǵa TJD jeke quramynan 73 adam jáne 8 arnaıy órt sóndirý tehnıkasy jumyldyryldy. Sondaı-aq, Kókshetaý tehnıkalyq ıstıtýtynan 25 kýrsant jáne 2 tehnıka, jergilikti atqarýshy organdardan 4 qyzmetker jáne 4 tehnıka qosymsha tartyldy.
«Órttiń saldarynan 16 saıajaı otqa orandy. Onyń 6-ýy «Tselınnık», 10-y «Avıator» saıajaı kooperatıvterine tıesili. Qaza bolǵandar men zardap shekkender joq. Órt qoqys pen qurǵaq shópti jaǵý kezinde qaýipsizdik erejeleriniń saqtalmaýynan shyqqan», - dedi Kókshetaý qalalyq Tótenshe jaǵdaı basqarmasynyń bastyǵy Áset Jaqsylyqov.