Kókshetaýda 1,5 myńǵa jýyq ardagerdiń shıpajaıda emdelý quqyǵy qalpyna keltirildi

KÓKShETAÝ. QazAqparat – Aqmola oblysynyń prokýratýrasy Kókshetaý turǵyndaryna shıpajaı-kýrorttyq emdelý boıynsha áleýmettik kómek kórsetý máselelerine taldaý júrgizdi, dep habarlaıdy QazAqparat tilshisi.

Oblys prokýratýrasy baspasóz qyzmetiniń málimetinshe, jergilikti atqarýshy organdar tarapynan bıylǵy jyldyń basynan beri áleýmettik kómekti qajet etetin azamattardyń quqyǵy shektelgeni anyqtaldy.

«Qalalyq jáne aýdandyq máslıhattar shıpajaı-kýrorttyq emdelýge áleýmettik kómekti qarastyrmaı, áleýmettik kómek kórsetýdiń, onyń mólsherlerin belgileýdiń jáne muqtaj azamattardyń jekelegen sanattarynyń tizbesin aıqyndaýdyń qaǵıdalaryn bekitti. Prokýrorlyq qadaǵalaý aktisi boıynsha muqtaj adamdarǵa shıpajaı-kýrorttyq emdelýge áleýmettik kómek kórsetý tártibiniń qaǵıdalaryna ózgerister men tolyqtyrýlar engizý arqyly 1479 ardagerdiń quqyqy qalpyna keltirildi», - dedi vedomstvodan.

Aıta ketsek, Aqmola oblysyndaǵy 50 balabaqshada sanıtarlyq talaptardyń saqtalmaǵany anyqtalǵan bolatyn.