Kókshetaý turǵynynyń 109 sheteldik azamatty zańsyz tirkegeni anyqtaldy

KÓKShETAÝ. QazAqparat - Kókshetaý qalasynyń aýmaǵynda zańsyz kóshi-qon uıymdastyrylǵany anyqtaldy, dep habarlaıdy QazAqparat tilshisi.

Oblystyq Polıtsııa departamenti baspasóz qyzmetiniń málimetinshe, Kókshetaý qalalyq Polıtsııa basqarmasynyń anyqtaý bólimi Qylmystyq kodekstiń 394-babynyń 1-bóligi «zańsyz kóshi-qondy uıymdastyrý» boıynsha sotqa deıingi tergeýdi bastady.

Shetel azamattarynyń bolý oryndaryn, sondaı-aq olardy tirkeý oryndaryn tekserý barysynda Kókshetaý qalalyq Polıtsııa basqarmasy kóshi-qon qyzmeti bóliminiń qyzmetkerleri sheteldikterdiń Qazaqstan Respýblıkasynyń aýmaǵynda bolý erejesin buzý derekterin anyqtady.

«Anyqtalǵandaı, 1973 jyly týǵan jergilikti turǵyn 109 sheteldik azamatty tirkeýge óz kelisimin bergen. Osy rette, ol sheteldikter tirkelgen jerinde naqty turmaıtyndyǵyn bile tura, osyndaı zańbuzýshylyqqa barǵan. Osyǵan baılanysty onyń ústinen is qozǵalyp, sotqa deıingi tergeý amaldary júrgizilýde. Kelý týraly mindetteme túrinde bultartpaý sharasy tańdaldy», - dedi vedomstvodan.

Osy rette, Aqmola oblysynyń polıtsııa departamenti QR Qylmystyq kodeksiniń 394-babynyń 1-bóligine sáıkes zańsyz kóshi-qondy uıymdastyrǵany úshin eki jylǵa deıingi merzimge bas bostandyǵynan aıyrý túrindegi jaza qarastyrylǵanyn eske salady. Dál sol is-áreketi qylmystyq top jasaıtyn bolsa, onda kináliler úsh jyldan jeti jylǵa deıingi merzimge bas bostandyǵynan aıyrýǵa jazalanady.

Aıta ketsek, budan buryn Aqmola oblysynda bıznespen aınalysqan 10 sheneýnikke 636 myń teńgeden aıyppul salynǵanyn jazǵan bolatynbyz.