Kókshetaý taýyndaǵy órt aýyzdyqtaldy

ASTANA. QazAqparat - Kókshetaý bıiginde tutanǵan órt aýyzdyqtaldy, dep habarlaıdy QazAqparat Tótenshe jaǵdaılar mınıstrliginiń baspasóz qyzmetine silteme jasap.

«Saǵat 11:13-te «Býrabaı» MUTP aýmaǵyndaǵy Kókshetaý taýyndaǵy órt aýyzdyqtaldy. Órttiń aldyn ala aýmaǵy - 0,03 ga (300 sh.m.) Órtti sóndirýge Aqmola oblysy TJD jeke quramynyń 200-den astam jáne «Býrabaı» MUTP-nyń 70 qyzmetkeri jumyldyryldy. «Qazavıaqutqarý» AQ tikushaǵymen 12 ret sý aǵyzyldy (36 tonna).

Órttiń taralý qaýpi jáne zardap shekkender joq», - delingen vedomstvo aqparatynda.

Eske salsaq, búgin tańerteń Kókshetaýdyń 800 metr bıiktiginde órt tutanyp, ony sóndirýge tikushaq shyǵarylǵany habarlanǵan.

Sondaı-aq, Tótenshe jaǵdaılar mınıstrliginiń baspasóz qyzmeti taýlardaǵy orman órtin sóndirýdiń mańyzdy erekshelikteri men birqatar qıyndyqtary bar ekenin jetkizdi. Aıtalyq, taýlardaǵy orman órtterimen kúresý úshin jer qazý jáne topyraq óńdeý tehnıkasyn qoldaný shektelgen, al tasty topyraqtarda ol múldem múmkin emes. Sonymen qatar, avtotsısternalar men órt sóndirý motopompalaryn paıdalanýǵa da múmkindik bolmaıdy. Sondyqtan, órt sóndirýshiler aspaly búrikkishterdi, kúrek, ketpen men tyrma sııaqty qol quraldaryn qoldanady.

Vıdeodan alynǵan kadr