Kókshetaý men Petropavldyń jas aqyndary arasynda aıtys ótkizildi

KÓKShETAÝ. QazAqparat - Kókshetaýda «Rýhanı jańǵyrý» baǵdarlamasy sheńberinde oblys ortalyǵy men Petropavl qalasynyń jas aqyndary arasynda aıtys ótti, dep habarlaıdy QazAqparat tilshisi.

«Esil men Kókshe - ən men jyrdyń mekeni» taqyrybymen Kókshetaý qalalyq mádenıet jáne tilderdi damytý bólimi men «El birligi» qoǵamdyq birlestigi uıymdastyrǵan sharada jas aqyndar «músháıra» jáne «aıtys» atalymdary boıynsha baq synady.

«Osyǵan deıin Petropavl qalasynda M.Jumabaevtyń 125 jyldyǵyna oraı, óńirlik aıtys ótip, onda Kókshetaýdaǵy Kóken Shákeev atyndaǵy jas aqyndar mektebiniń tárbıelenýshisi Dýman Samat gran-prı júldesin jeńip alǵan bolatyn. Al, Abzal Jumabek júldeli 3-shi oryn aldy. Olardy Muhamed Qonqaev tárbıeleıdi», - dep atap ótti Kókshetaý qalalyq mádenıet jáne tilderdi damytý bólimindegiler.

Jeńimpazdardy «Rýhanı jańǵyrý» jobalyq keńsesiniń jetekshisi Erkin Isimbaev quttyqtady. Qazylar alqasynyń quramynda Sh.Ýálıhanov atyndaǵy Kókshetaý memlekettik ýnıversıtetiniń professorlary, shyǵarmashylyq ıntellıgentsııa ókilderi boldy.

«Músháıra» atalymy boıynsha Kóken Shákeev atyndaǵy jas aqyndar mektebiniń tárbıelenýshisi Jansaıa Jumabekova, «aıtys» atalymy boıynsha petropavldyq Erik Asqarov atyndaǵy jas aqyndar mektebiniń oqýshysy Dáýlet Qurmash jeńimpaz atandy. Jeńimpazdar baǵaly syılyqtarmen marapattaldy.