Kókshetaý mektepterinde maskúnemder kúzetshi bolyp jumys istegen

<p>KÓKShETAÝ. KAZINFORM — Kókshetaý mektepterinde narkologııalyq dıspanserde esepte turǵandar kúzetshi bolyp jumys istegen. Bul týraly Kókshetaý qalasynyń prokýratýrasy men Aqmola oblysy polıtsııa departamentiniń qyzmetkerleri birlesip, kúzet uıymdarynyń qyzmetine júrgizilgen tekseris barysynda anyqtaldy.</p>

Aqmola oblysy prokýratýrasy baspasóz qyzmetiniń málimetinshe, balalardyń qaýipsizdigin qamtamasyz etý maqsatynda mektepterge qyzmetin kórsetetin jeke uıymdardyń qyzmetine tekseris júrgizildi.

Nátıjesinde «alkogoldi tutynýdan týyndaǵan psıhıkalyq jáne minez-qulyq buzylystary, táýeldilik sındromy» dıagnozymen narkologııalyq dıspanserlik esepte turǵan kúzetshiler anyqtaldy.

Kúzetshilerdiń ózderine qoıylatyn biliktilik talaptaryna sáıkes kelmeýi bóliginde basqa da zańbuzýshylyqtar, sondaı-aq olarǵa kúzetshi bolyp jumys isteýge tyıym salatyn baptar boıynsha birneshe ret ákimshilik jaýapqa tartý derekteri anyqtaldy. 

«Tekserý qorytyndysy boıynsha Kókshetaý prokýratýrasy ýákiletti organǵa zańbuzýshylyqty joıý, ıaǵnı kinálilerdi zań aıasynda jaýapqa tartý jáne olardy mektep kúzetý jumysynan bosatý jóninde usynys engizdi» dedi vedomstvodan. 

Aıta ketsek, budan buryn Aqmola oblysynda polıtsııa bólimi bastyǵynyń orynbasary alaıaqtyq jasaǵany úshin sottalǵanyn jazǵan edik.