Kókshetaý mańynda tutanǵan dala órti bir táýlikten soń sóndirildi
Vedomstvonyń málimetinshe, 100-den astam órt sóndirýshi aǵymdaǵy jylǵy shildeniń 7-8 kúnderi Kókshetaý mańynda tutanǵan dala órtimen kúresti.
«Órt sóndirýshilerdiń jedel áreketteriniń arqasynda tilsiz jaýdy aýyzdyqtaýǵa jáne órttiń jaqyn mańdaǵy eldi mekenge taralýyna jol bermeýge múmkindik týdy. Órttiń shyǵýyna Zerendi aýdany turǵynynyń órt qaýipsizdigi erejelerin saqtamaǵandyǵy sebep bolǵan. Turǵyn traktorǵa ornatylǵan dıskili shalǵymen shóp shabý kezinde ushqyn shyǵyp, ot tutanǵan», - deıdi vedomstvodan.
Qurǵaq shóptiń janýy saldarynan 44 gektar dalaly aýmaqty jáne «Buqpa» orman sharýashylyǵy mekemesi, №103 kvartaldaǵy, 41 gektar telimdegi Shaǵalaly ormanshylyǵynyń aýmaǵyn ór sharpydy.
«Tilsiz jaýdy aýyzdyqtaýǵa TJD qyzmetkerleri, sondaı-aq, azamattyq qorǵaý akademııasynyń kýrsanttary, Buqpa orman sharýashylyǵynyń jumysshylary, jergilikti atqarýshy organdar qatysty. Órt bir táýlik ótken soń sóndirildi», - dedi vedomstvodan.