Kókshetaý – kók qaraǵaı mekeni: Aqmolada ekologııalyq aktsııa uıymdastyryldy

KÓKShETAÝ. QazAqparat - Kókshetaýda «Kókshetaý – kók qaraǵaı mekeni» ekologııalyq aktsııasy ótti, dep habarlaıdy QazAqparat tilshisi.

Aqmola oblystyq ishki saıasat basqarmasy janyndaǵy óńirlik «Rýhanı jańǵyrý» jobalaý keńsesi uıymdastyrǵan aktsııa barysynda Kókshetaý qalalyq №4 orta mekteptiń aldyna 30 túp qaraǵaı otyrǵyzyldy.

Qazaqstan Respýblıkasy Táýelsizdiginiń 30 jyldyq mereıtoıyna oraılastyryp ótkizilgen ıgilikti shara barysynda orman sharýashylyǵy salasynyń ardageri Shabdan Toqmýrzın, oblystyq «Rýhanı jańǵyrý» joba keńsesiniń basshysy Maral Jaqypova qatysty.

«Aktsııany jyl boıy ótkizý dástúri qalyptasyp, ony qala turǵyndary, shaǵyn jáne iri kásiporyndardyń ókilderi, memlekettik mekemelerdiń qyzmetkerleri qoldaıdy dep úmittenemiz. Bıyl otyrǵyzǵan 30 qaraǵaı kóshetiniń sany kelesi jyly úsh júzge jetýge jazsyn. Mundaı is-shara qoǵamymyzda ekologııalyq mádenıetti kóterýge yqpal etedi»,- dep atap ótti Maral Jaqypova.

Sonymen qatar, ol osynaý aktsııaǵa qoldaý kórsetken oblystyq tabıǵı resýrstar jáne tabıǵat paıdalanýdy retteý basqarmasy men Kókshetaý qalalyq ákimdigine alǵysyn jetkizdi.