Kókshetaý qalasynyń turǵyny polıtsııaǵa eki granata tapsyrdy

<p>KÓKShETAÝ. KAZINFORM - Kókshetaý qalasynyń turǵyny polıtsııaǵa eki granata tapsyrdy.</p>

Aqmola oblysy PD baspasóz qyzmetiniń málimetinshe, er adam granatalardy aqpannyń 22-sinde polıtsııaǵa ózi ákelip bergen. Er adamnyń sózinshe, ol granatany Kókshetaý qalasynyń Saryarqa shaǵyn aýdany aýmaǵyndaǵy qoqys jáshiginen taýyp alǵan.

“Jarylǵysh zattarmen jumys isteıtin mamandar tabylǵan granatalardyń oqý-jattyǵýǵa arnalǵan F-1 jáne RGD ekenin anyqtady. Bul granatalar jaýyngerlik emes, alǵashqy áskerı daıyndyq sabaqtarynda oqý quraly retinde qoldanylady”, - dedi vedomstvodan.

Osy rette, tártip saqshylary qala turǵynyna belsendi azamattyq ustanymy úshin alǵys bildirdi.

Aıta ketsek, budan buryn sıntetıkalyq esirtki saqtaǵan kókshetaýlyq azamat 4 jylǵa sottalǵanyn jazǵan edik.