Kókshetaý qalasyndaǵy sý tasqyny jaǵdaıy turaqtaldy

<p>KÓKShETAÝ. KAZINFORM - Kókshetaý qalasyndaǵy sý tasqyny jaǵdaıy turaqtaldy. Kókshetaýlyqtarǵa kómekke kelgen Jambyl oblysy TJD-niń qutqarýshylary sý tasqynynyń aldyn alý úshin Atbasar qalasyna attandy.&nbsp;</p>

Aqmola oblysy ákimdiginiń málimetinshe, búgingi tańda sý tasqyny jaǵdaıy turaqtalǵanyna qarmastan jedel shtab jumysyn áli de jalǵastyrýda. Qylshaqty ózeniniń deńgeıin baqylaý úshin alty jerde ólsheýish qurylǵylar ornatylǵan.

Foto: Aqmola oblysy ákimdiginen

«Kósheler men joldyń shetindegi erigen qar sýyn sorý jumystary jalǵasýda. Kókshetaýlyq qutqarýshylar men jergilikti atqarýshy organdardyń qyzmetkerleri joǵary daıyndyq rejıminde. Jambyl oblysy TJD kelgen qutqarýshylar toby Atbasar qalasyna sý tasqynynyń aldyn alý úshin attandy», - dedi vedomstvodan.

Foto: Aqmola oblysy ákimdiginen

Aıta ketsek, Kókshetaýdaǵy sý tasqynymen kúresýge jambyldyq qutqarýshylar kómektesip jatqandyǵyn jazǵan edik.