Kókshetaý halqy Denıs Tenniń qurmetine shyraq jaǵyp, gúl shoqtaryn qoıdy

KÓKShETAÝ. QazAqparat - Kókshetaýlyqtar qalanyń ortalyq alańynda  qyrshyn ketken qysqy olımpıada oıyndarynyń júldegeri Denıs Tendi bir mınýt únsizdikpen eske alyp, portretine gúl shoqtaryn qoıdy, dep habarlaıdy QazAqparat tilshisi.

Sharaǵa barlyǵy myńǵa jýyq kókshetaýlyq pen qala qonaqtary qatysty. Jınalǵandar tanymal sportshy portretiniń aldyna shyraq tutatyp, eske alý rásimin jasady. Olardyń arasynda eresekter men balalar da boldy. Jurtshylyq Denıstiń jarqyn beınesin eske alyp, kóz jasyna erik berdi.

"Únemi jarqyrap júretin Denıstiń jarqyn beınesi bizdiń júregimizde məńgi saqtalady. Ol biz úshin otandyq sporttaǵy mánerlep syrǵanaýdan eń úzdik sportshy. Baıraqty jarystarda el mártebesin asqaqtatqan onyń qazasy qazaqstandyqtar úshin aýyr tıip otyr", - dep eske aldy kókshetaýlyqtar.

Aıta ketý kerek, osyǵan deıin habarlaǵanymyzdaı qazaqstandyq mánerlep syrǵanaýdyń has sheberi Denıs Ten 19 shilde kúni pyshaq jaraqatynan qaza tapqan bolatyn. Oqıǵa Almatynyń Qurmanǵazy jəne Baıseıitova kósheleriniń qıylysynda, sol kúni saǵat 15:00 shamasynda oryn alǵan.