Kókshetaý ákimdiginiń qyzmetkerleri balalar aýlasynda qar kúredi
23:36, 26 Qańtar 2020
KÓKShETAÝ. QazAqparat - Respýblıka boıynsha eldi mekenderdi qardan tazartý maqsatynda qolǵa alynǵan #BizBirgemiz chellendjin Kókshetaý qalasy ákimdiginiń ujymy qoldady. Bul týraly Aqmola oblysy ákiminiń orynbasary Marat Iǵalı áleýmettik jelidegi paraqshasynda aıtty, dep habarlaıdy QazAqparat tilshisi.
Beınejazbada aıtylǵandaı, Kókshetaý qalasy ákimdiginiń qyzmetkerleri qalanyń ortalyq saıabaǵynda ornalasqan Street workout jáne balalardyń oıyn alańdaryndaǵy qardy kúredi.
Sondaı-aq, ákimdik qyzmetkerleriniń #BizBirgemiz estafetasyn Aqmola oblystyq Kásipkerlik jáne ónerkásip basqarmasynyń ujymyna tapsyrǵany aıtylady.
«Qala turǵyndaryn #BizBirgemiz aktsııasyna belsendi qatysýǵa shaqyramyz. Aıta keterligi, sońǵy kúnderi qalanyń kommýnaldyq kásiporyndary oblys ortalyǵynan barlyǵy 75 myń tekshe metr qardy kúrep, qala syrtyna shyǵardy», - dedi aımaq basshysynyń orynbasary Marat Iǵalıev óz sózinde.