Kóksaraı sý qoımasy 500 myń halqy bar 23 eldi mekendegi sý tasqyny qaýpin seıiltti - ıÝrıı Ilın

ASTANA. QazAqparat - QR TJM basshysy ıÝrıı Ilın Qyzylorda oblysynyń halqymen kezdesý kezinde óńirdegi sý tasqynynyń aldyn alý jumystary týraly aıtty, dep habarlaıdy QazAqparat atalǵan vedomstvonyń baspasóz qyzmetine silteme jasap.

Kóksaraı sý rettegishiniń qurylysy eldi mekenderdi jappaı sý basýdyń aldyn alýǵa jáne halyqty qaýipsizdendirýge múmkindik berdi.

Degenmen, tabıǵı qubylystar men Syrdarııa ózenindegi sý deńgeıin boljaý múmkin emes jáne kóktemde sý tasqyny jaǵdaıy qıyn bolýy múmkin.
Halyqty sý tasqyny qaýpinen qorǵaý úshin Úkimet deńgeıinde 2023 jylǵa jol kartasy, al jergilikti deńgeıde - Damý jospary men jyl saıynǵy sý tasqynyna qarsy jospar qabyldandy.
Sońǵy derekter boıynsha oblys boıynsha barlyǵy 29 eldi meken sý tasqyny aımaǵynda ornalasqan, qazir bes júz myńǵa jýyq azamat (467 728 adam) turatyn 23 eldi meken úshin qaýip-qaterler barynsha azaıtyldy.
Osyǵan baılanysty Mınıstr jergilikti atqarýshy organdardyń jol kartasyn ýaqtyly iske asyrýdy qamtamasyz etý jáne kóktem kelgenge deıin sý tasqynyna qarsy is-sharalar júrgizý qajettigin atap ótti.