Alǵashqy salymdy qazaqstandyq kókparshylar saldy
11:55, 09 Qyrkúıek 2024
<p>ASTANA. KAZINFORM – Astana qalasynda V Dúnıejúzilik kóshpendiler oıyndaryna baq synaýǵa kelgen kókparshylar «Qazanat» ıppodromynda irikteý jarystaryn ótkizip jatyr. </p>
Dodany Qazaqstan jáne Ózbekstan qurama komandasynyń kókparshylary bastady. Alǵashqy salymdy Qazaqstan qurama komandasynan Qurmanbek esimdi shabandoz saldy.
Tartysty ótken saıysta, qazaqstandyq shabandozdardyń mereıi ústem bolyp, 16:0 esebimen aıqyn jeńiske jetti.
Aıta keteıik, kókpardan 9 memlekettiń sportshylary ózara myqtyny anyqtaıdy. Bul sport túrinen barlyǵy 104 sportshy qatysady.
Kókpardan baq synaıtyn quramalar: Qazaqstan, AQSh, Reseı, Ózbekstan, Qyrǵyzstan, Vengrııa, Qytaı, Mońǵolııa jáne Túrkııa.
Eske sala keteıik, buǵan deıin Dúnıejúzilik kóshpendiler oıyndarynda 9 qyrkúıekte qaı sport túrinen saıystar ótetinin jazǵan edik.