Kókónistiń baǵasy bir aıda 5,7 paıyzǵa arzandady

NUR-SULTAN. QazAqparat – Mamyr aıynda oramjapyraq, qyzanaq jáne qııar arzandaı tústi, baǵalar bir aıda 5,7 paıyzǵa tómendegen, dep habarlaıdy QazAqparat ranking.kz saıtyna silteme jasap.

Bir aıda aqbas oramjapyraq (34,6 paıyzǵa, bir kelisi úshin 80,8 teńgege deıin), qyzanaq ( 14,6 paıyzǵa, bir kelisi úshin 607,3 teńgege deıin), jáne qııar (12,9 paıyzǵa, bir kelisi úshin 467,5 teńgege deıin) arzandady. Budan basqa, koronavırýstyń órshigen kezde alypsatarlar baǵasyn sharyqtatyp jibergen lımon 0,6 paıyzǵa, bir kelisi 1129,9 teńgege deıin túsken.

Mamyr oıynyń qorytyndysy boıynsha, kókónis men jemistiń tutynýshy baǵasynyń ósimi bir aıda 1,5 paıyz, bir jylda - 10,1 paıyzdy quraǵan.

Kartop aıtarlyqtaı qymbattaǵan – bir aıda 7,9 paıyzǵa, bir jylda – birden 45,8 paıyzǵa qymbattady. Jemisterdiń baǵasy bir aıda 6,1 paıyzǵa, al bir jylda 26,4 paıyzǵa kóterildi.

Qazaqstan óńirleriniń arasynda kókónis men jemis baǵasynyń eń úlken ósimi Shymkent qalasynda baıqaldy (4,6 paıyz), odan keıin tizimde Mańǵystaý oblysy (+4%) jáne Atyraý oblysy (+3,7%) tur.

Elimizdiń tórt óńirinde kókónis-jemis baǵalary arzandaı tústi: Qaraǵandy oblysynda (−3,4%), Nur-Sultanda (−0,6%), Pavlodar oblysynda (−0,2%) jáne Batys Qazaqstan oblysynda (−0,1%).

Bir jyldaǵy baǵalar ósimi de Shymkentte tirkelgen (+23,9%), odan keıin Aqtóbe oblysy (+16,1%) jáne Mańǵystaý oblysy (+15,1%) tur.

Mamyrda kókónis men jemistiń ishinde eń qymbattaǵany: pııaz baǵasy (13,3 paıyzǵa, bir kelisi úshin 117,3 teńgege deıin) jáne sábiz (11,8 paıyzǵa, bir kelisi úshin 128,8 teńgege deıin), sondaı-aq alma baǵasy aıtarlyqtaı kóterilgen (8,9 paıyz, bir kelisi úshin 516,5 teńgege deıin).