Qoqys óńdeý zaýytynda Ózbekstannyń 37 azamaty zańsyz jumys istep kelgen

<p>ASTANA. KAZINFORM — Astanada kóshi-qon qyzmetkerleri jergilikti reıd júrgizdi. </p>

Páterler, hostelder, jataqhanalar, qurylys nysandary, óndiristik aımaqtar men bazarlar tekserildi.

Bir kún ishinde elordada elimizde júrip-turý tártibin buzǵan 119 sheteldik ustaldy. 

Sheteldikterdiń ıntımdik qyzmet kórsetýi boıynsha 5 fakti anyqtaldy.

Qoqys óńdeý zaýytynyń aýmaǵynda zańsyz jumys istep júrgen Ózbekstannyń 37 azamaty tabyldy.

ІІM kóshi-qon zańnamasyn saqtaýǵa shaqyrady.

«Sondaı-aq ýákiletti organnyń tıisti ruqsatynsyz jumys berýshiniń sheteldikti birneshe ret jumysqa qabyldaǵany jáne sheteldik jumys kúshin paıdalaný qaǵıdasyn birneshe ret buzǵany úshin qylmystyq jaýapkershilik bar» dep eskertedi vedomstvodan.