«Kókek ákelerden» 1 mlrd teńgege jýyq alıment óndirip alyndy

ASTANA. QazAqparat - «Kókek ákelerden» 1 mlrd teńgege jýyq alıment óndirip alyndy. Bul týraly búgin Úkimet úıinde «100 naqty qadam» Ult josparynyń iske asyrylý barysyna arnalǵan baspasóz máslıhatynda Ádilet mınıstriniń orynbasary Janat Eshmaǵambetov málim etti, dep habarlaıdy QazAqparat.

«Azamattardyń tarabynan túsetin ótinishterdiń jartysyn quraıtyn, únemi shaǵym týdyratyn óndiristiń áleýmettik mańyzdy sanattarynyń biri  alımentti óndirýge basa kóńil bólinedi. Mınıstrlik  Respýblıkalyq jeke sot oryndaýshylary palatasymen birlesip,  alıment tólemeýshilerden ony óndirip alýdyń barynsha keshendi májbúrli sharalaryn qabyldaý jumysyn  uıymdastyrdy», - dedi ol.

Vıtse-mıınstrdiń aıtýynsha, qabyldanǵan sharalar problemalyq alımentterdiń 10 paıyzǵa tómendeýine oń áserin tıgizdi.

«Nátıjesinde jarty jyldyń qorytyndysy boıynsha 3 800 problemalyq óndiristen 1 mıllıardtan astam somaǵa alıment óndirilgen. Sot oryndaýshylaryna qatysty mınıstrlikke kelip túsetin shaǵymdardyń sany da azaıdy. Kórsetkish ótken jyldyń sáıkes kezeńimen salystyrǵanda 3 esege derlik kemidi»,-  dedi Eshmuhambetov.