Kók jaılaý búkil aımaq úshin áleýmettik-ekonomıkalyq damýdyń myqty faktory bolýy múmkin - A. Marzola
13:29, 04 Jeltoqsan 2013
ALMATY. 4 jeltoqsan. QazAqparat - «Kók jaılaý» taý shańǵysy kýrorty sátti joba bolatynyna óz basym tolyq senimdimin. Bul týraly búgin Almatyda óz jumysyn aıaqtaǵan І Halyqaralyq ınvestıtsııalyq forýmynda aıtyldy.
«Kók jaılaý taý shańǵysy kýrorty retinde Almatyny damytýda mańyzdy bolatynyna mýnıtsıpıaldyq bılik senimdi. Sol sebepti olar ony júzege asyrý úshin naqty qarjy jumsaýda. Óz basym onyń sátti joba bolatynyna senimdimin. Óıtkeni Italııada bul is jeke bıznestiń qarjysymen júzege asyryldy. Sondyqtan oǵan 50 jyl ýaqyt jumsadyq», - deıdi Dolomiti Superski taý shańǵysy kýrorty qaýymdastyǵy Dırektorlar keńesiniń múshesi Alessandro Marzola. Onyń aıtýynsha, sulý tabıǵaty men ınfraqurlymynyń arqasynda Almaty jaqyn keleshekte Ortalyq Azııadaǵy taý shańǵysy týrızminiń ortalyǵy bolady. Kók jaılaý tek Almaty ǵana emes búkil aımaq úshin áleýmettik-ekonomıkalyq damýdyń myqty faktory bolýy múmkin.